III — CANSO

I.

Mout avetz faich long estatge,

Amics, pois de mi-us partitz,

Et es me greu e salvatge,

Quar me juretz e-m plevitz

Que als jorns de vostra vida

Non aesetz dompna mas me;

E si d'autra vos perte,

M'i* avetz mort' e trahida,

Qu'avi'en vos m'esperanssa

Que m'amassetz ses doptanssa.

II

Bels amies, de fin coratge

Vos amei, pois m'abellitz,

E sai que faich ai follatge,

Que plus m'en etz escaritz,

Qu'anc non fis vas vos ganchida ;

E si-m f asetz mal per be !

Be' us am e non m'en recre*,

Mas tan m'a amors sazida

Qu'ieu non cre que benananssa

Puosc' aver ses vostr' amanssa.

III

Mout aufrai mes mal usatge

A las autras amairitz :

Qu'om sol trametre messatge

E motz triatz e chausitz,

Et ieu tenc me per garida,

Amics, a la mia fe,

Quan vos prec, qu'aissi-m cove ;

Que-l plus pros n'es enriquida

S'a de vos qualqu'aondanssa

De baisar o d'acoindanssa.

IV

Mal aj'ieu, s'anc cor volatge

Vos aie ni-us fui camjairitz !

Ni drutz de negun paratge

Per me non fo encobitz.

Anz sui pensiv'e marrida

Car de m'amor no-us sove,

E si de vos jois no-m ve,

Tost me trobaretz fenida :

Car per pauc de malananssa

Mor dompna, s'om tôt no-il lanssa.

V

Tôt lo maltraich e-l dompnatge

Que per vos m'es escaritz

Me-l fai grazir mos linhatge*

E sobre totz mos maritz ;

E s'anc fetz vas me faillida,

Perdon la-us per bona fe;

E prec que venhatz a me,

Despois quez auretz auzida

Ma chanson, que-us fatz fiansa

Sai trobetz bella semblansa.