XVI

I.

Totztemps auch dir q'us jois un autre adutz,

Per que non voill nuill temps de joi partir,

Q'ab joi fui natz et ab joi, on qe m vir,

Soi et serai, q'aissrm soi captengutz;

E srl fin joi de lei en cui enten.

Q'eu plus aten,

Pogues aver, ben fora plus joios ;

Que dobles jois es rix e cabalos

E qi joi sec jois H ve ses doptansa.

II.

Per q'eu me soi autrejatz e rendutz

A fin' Amor et a lei cui desir,

Que finamen m'an fach mi oill chausir

La bella q'es flors e mirailz e lutz

E caps e guitz de tot ensegnamen ;

E pos tan gen

Nafret mon cors d'un esgart amoros,

D'al no m soven ni no m fo saboros

Nuilz altre bes ni d'al поп ас membransa.

III.

Bona domna, vostre rix pretz saubutz

E las faissos e ill plazen acuoillir

E la bocha don tan gen vos vei rir

M'an tan sobrat qe soven deveing mutz .

E la on euch gent parlar pert lo sen;

Q'ab espaven

Qer hom ric do, per qu'eu soi temoros ;

Mas eu auch dir q'hom savis, a sazos,

Conqer mainz bes sofren ab esperansa.

IV.

De vos amar non serai recrezutz,

Anz m'abelis mil tanz qu'eu non sai dir ;

Et si'us plagues c'o volguessetz sofrir

Q'eu vos ames, ja non fora veneutz

De vos servir mos fis cors leialmen ;

Anz m'er parve

Q'engals sia l'afanz de nos amdos ;

Et er merces, si de tan m'es faitz dos,

Qe mos volers no's fraing ni nos balansa.

V.

Mas fis amanz no s taing qe leve brug,

Ans deu son cor celar et escondir,

E l ben e l mal qi'll ve d'amor grazir;

Q'ab cor tes aibs es hom per pro tengutz ;

E qe s gart be de far tot faillimen

Ab escien,

Qe de bon luoc ave bos guierdos ;

Qe si domneis e cortejars non fos,

Non fora pretz ni servirs ni honransa.

VI.

Domna, per so m sui a vos atendutz

Qe m detz conseil, q'a pauc ncm fan morir

La fin' amors q'eus ai e ill greu sospir;

E si mos cors fos per vos conogutz,

Be m'es semblan que n'agratz jausimen,

Qe no con sen

Nuill' altr' amor, ni ma bona razos

No m pot sebrar ni delonhar de vos,

Tan m'es el cor vostra gaia semblansa.

VII.

Pretz e valor, beltat, joi et joven

Ses faillimen,

E toz bos aibs, totas bêlas faissos

Ha Na Beatritz d'Est, q'anc non er e fos

Don'ab tant bes ses tota malestansa.