VII

I.

Lo dolz chan qu'au de la calandra

Qu'en preisen chant'e la douchor

Del temps novel el fin 'odor

De las flors mi dona talent

De chantar : per qu'eu eissamen

Voill un novell vers comensar

Per conortar mi meteis, car Amor

Mi destreing fort e m dona grant dolor ;

Mas eu ades chant cm deport em joc.

II.

E fatz si com la salamandra,

Quar es de tan fera fredor

Que viu en foc e la chalor

Esteing si que no il notz nient;

Et eu per bon entendimen

Estreing cho que m degra i)ruslar ;

E s'al cujar no m faill, mais amillior.

Non ac home el mont tant grant seingnor

Com eu aurai quant midons veira loc.

Pero qui m dones Alixandra

N0 volgra camiar leis qu'es flor

De Jovent et e de Joi sabor

Per nuill'autra ; qu'en mon vivent

N0 pogra trobar tan plazent

Ni cointa d'amoros parlar ;

Per qu'eu amar la voill, quar en valor

M'a fait entendre e pojar en honor,

Et encara, si-ll platz, donar mi рос.

Que zo que mais val qu'Alixandra

E meill de nuill'autra ricor

S'amor que m tolra duel e plor

E m donara joi covenent

E m fara estar baut e jauzent ;

Donc me dei eu ben alegrar

E mais onrar ieis cui ai socor...