XII

I.

Pos vezem boscs e broils floritz

E il prat son groc vert e vermeil,

E l chant e l refrim e l trepeil

Auzem dels auzellos petitz,

Be s taing c'un novel chan fabrec

En aquest bel douz temps d'avril ;

E si be so'ill mot maestril,

Leu seran d'entendr' a unquec.

II.

E quar non trop gair on desplec

Mon ferm natural sea sotil,

Per tan non clam mon saber vil,

Sitôt enquer grans non parec ;

C'aissi com si trobav' escritz

Bons motz, tan gen los appareill

Que no m par que ja trop pareil

Qu'en chantan formes meillors ditz.

III.

Mas uns gens cors, francs e grazitz,

Cane tan bels no s vie en espeill,

Per cui pes e fremisc e veill,

M'es e mon cor tant abellitz

Que d'aire servir no m'embrec

Mas ma domna franqu'et humil ;

Per qu'eu ses tot enjan m'apil

En s'amor que- m ten cobes lec.

IV.

Ane om en ben amar non crec

Tan con en midonz, don m'apil

En leis servir, c'ab un pauc fil

M'a près e eug qu'e[n] pauc m'eisec ;

Mas ges non tem parliers ni critz,

Tant esper son liai conseill ;

E si-l platz qu'ella m'aconseill,

Gen serai de fin joi garnitz.

V.

Ades es lai mos esperitz

On il es, don non meraveill ;

C'aitan con fer rais de soleill,

Non es tan de bos aips complitz

Nul' autra ni par c'ab leis s'ec

De beutat, s'eran d'autras mil ;

Don prec midonz que no m'avil,

Se mos cors vol mais que non dec.

VI.

Per ma domna maigrisc e sec,.

Car son gen cors format gentil

Non vei ; e fora mortz de gil

Tro qu'un pauc mos cors s'esperec.