II — CANSO

I

Ja de chantar non degr'aver talan,

Quar on mais chan

E pi.eitz me vai d'amor,

Que plaing e plor

Fan en mi lor estatge;

Car en mala merce

Ai mes mon cor e me,

E s'en breu no-m rete,

Trop ai faich lonc badatge.

II

Ai ! bels amies, si vais un bel semblan

Mi faitz enan

Qu'ieu moira de dolor,

Que-l amador

Vos tenon per salvatge

Car joia non m' ave

De vos, don no-m recre

D'amar per bona fe,

Totz temps, ses cor volatge.

III

Mas ja vas vos non aurai cor truan

Ni plen d'engan,

Si tôt vos n'ai pejor,

Qu'a gran honor

M'o teing en mon coratge;

Ans pens, quan mi sove

Del rie pretz que-us mante,

E sai ben que-us cove

Dompna d'aussor paratge.

IV

Despois vos vi, fui al vostre coman,

Et anc per tan,

Amies, no-us n'aie meillor;

Que prejador

No-m mandetz ni messatge,

Que ja-m viretz lo fre,

Amies, ni-m* fassatz re ;

Car jois non mi soste,

A pauc de dol non ratge.

V

Si pro i-agues, be-us membri' en chantan

Qu'aie vostre gan

Qu'emblei ab gran temor;

Pois aie paor

Que i-aguessetz dampnatge

D'aicella que-us rete,

Amics : per qu'ieu desse

Lo tornei, car ben cre

Qu'ieu no'n* ai poderatge.

VI

Dels cavalliers conosc que-i fan lor dan*,

Quar ja prejan

Dompnas plus qu'ellas lor,

Ou'autra ricor

No i-an, ni seignoratge;

Que pois dompna s'ave

D'amar, prejar deu be

Cavallier, s'en lui ve

Proez'e vassalatge.

VII

Dompna na Mieils, ancse

Am so don mais mi ve,

Car cel qui pretz mante

A vas mi cor volatge.

VIII

Bels Noms, ges no-m recre

De vos amar jasse,

Car viu en bona fe,

Bontatz e ferm coratge.