The Graceless Loon

As I gaed east by Tarland toun

I heard a singin' neath the mune :

A lass sang in a milk-white goon

Aneath a ha'thorn tree.

The sma' green trees bowed doon till her;

The blooms they made a croon till her

I was a graceless loon till her,

She frooned and scorned at me.

As I gaed east thro' Tarland toun

There came an auld wife, bent and dune,

Speirin' at me to sit me doon

In her wee hoose up the Wynd